Søk i nettsamfunnet

Mann 35, 181 cm, 90 kg, i underkant av 70 kg lbm, dvs ca 25% kroppsfeitt. Kontorjobb, syklar dagleg 25 km (totalt) roleg tur-retur jobb. Etter eit ufrivillig treninsopphald på eit halv år, har eg klart å legge på meg 10 kg. I tillegg hadde eg litt ekstra frå før. I 2010 køyrde eg ein knallhard crash diet og sverga at eg aldri meir skulle gjere noko sånt, men here we go again. Er lei av å vere feit og har heller ikkje lyst å seigpine meg ned. Bakgrunnen for diett og trening er at eg har bra utgangspunkt for mellomdistanseløp, men har altfor mykje dødvekt til å prestere på eit høgt nivå. Dermed blir hovudmålet med dietten å redusere kroppsmasse og forhåpentlegvis ikkje miste for mykje kapasitet på vegen. Har som sagt ikkje trent på eit halvt år, og føler av den grunn at eg ikkje har så mykje å tape. Til forskjell frå tidlegare har eg ikkje tenkt å trene noko kondisjon i perioden utover jobbsyklinga. Blir ny erfaring, men satsar på at det då skal bli mindre belastning for kroppen. Istaden har eg tenkt å ha tre styrke/plyoøkter i veka: Dag 1: Tradisjonell styrketrening med baseøvelsar. Progresjon etter autoreguleringsprinsipp. Dag 2: Olympiske løft, spenst, kroppsvektøvelsar. Progresjon etter følelse og teknikk på løftene. Dag 3: Sprint, start, spenst, plyoøvelsar med medisinball. Med dette opplegget, vil eg tru kaloribehovet mitt er ca 3000 kcal dagleg. Kor langt ned kan og bør eg gå på kaloriane? Er f.eks. 1600 for lite? Typisk 150-200 gram protein, 150 gram karbo og 50 gram feitt. Eller bør eg heller køyre cyclic ketogenic og oftare oppkarbing? Planen er å ta ein dag i veka med ekstra karbohydratar tilsvarande vedlikehald, og 1-2 veker pause når det byrjar å bli vanskeleg å halde dietten. Når feittprosenten blir lågare, tenker eg at pausane kjem oftare og diettperiodane kortare. Eg er ferdig når feittklypa viser under 10 mm på magen. Då vil eg tru eg er 70-75 kg avhengig av kor mykje muskelmasse eg tapar.